Hutbe e ditës së xhuma nga Medineja e Ndritshme 03-10-1445 H 12-04-2024 D
Shejh Ahmed Bin Talib Hamid
Tema Shpresa e të devotshmëve dhe gjynahqarëve në faljen e Zotit të botëve
Lavdërimet janë për Zotin, me mirësitë e të Cilit plotësohen veprat e mira.
Dëshmoj se nuk ka Zot tjetër veç Allahut, Krijuesi i të gjitha krijesave.
Dëshmoj se zotëria ynë Muhamedi është rob i Zotit dhe i dërguari i Tij, prijësi i të gjitha mirësive. O Zot, fale dhe mëshiroje robin dhe të dërguarin Tënd, të dërguarin tonë Muhamedin.
“ O besimtarë! Kijeni frikë Allahun ashtu si i takon Atij dhe vdisni vetëm duke qenë muslimanë!” (Al ‘Imran 102) Dijeni se agjëruesit kur dalin nga namazi i Fitër Bajramit të tyre e marrin shpërblimin e tyre para se të qëndrojnë në rrallët e tyre. Kush përmbushën detyrën e tij, i përmbushet premtimi që i është bërë, kush lë mangët do t’i pakësohet dhe atij, shpërblimi, e kush mashtron ju e dini se çfarë është thënë për ata që mashtrojnë.
Ndërsa besimtari, nëse bën vepra të mira, çfarëdo që të bëjë, atë e bën me turp dhe nga refuzimi i asaj vepre ai është i frikësuar. “ Me të vërtetë, ata që dridhen nga frika e Zotit të tyre, që besojnë në Shpalljet e Zotit të tyre, që nuk i shoqërojnë asgjë (në adhurim) Zotit të tyre, dhe që, kur japin atë që japin, zemrat e tyre i kanë plot frikë, ngaqë do të kthehen te Zoti i tyre, ata nxitojnë të bëjnë vepra të mira dhe për këto punë janë të parët. Ne nuk ngarkojmë askënd përtej mundësive të tij; te Ne është Libri që flet të vërtetën dhe askujt nuk do t’i bëhet padrejtësi.” (El-Mu’minun 57-62) Allahu i Madhërishëm ka thënë: “ Allahu pranon vetëm prej të devotshmit.” (El-Ma’ide 27) Janë ata që punojnë dhe veprojnë në bindje ndaj Zotit, sipas dritës së Zotit shpresojnë shpërblimet e Tij, dhe u frikësohen atyre që ka ndaluar Allahu, sipas dritës së Zotit i frikësohen ndëshkimit të Allahut. Prandaj, të pranuarit e një grimcë të vogël nga veprat, sa atomi, është më e dashur për ata se e gjithë bota dhe çfarë ka në të. Frika në punë është se mos nuk është e sinqertë dhe frika që punët mos ndoshta nuk pranohen. Sa njerëz kanë marrë pranim dhe falje, dhe sa kanë pasur zhgënjim dhe humbje. Si mundet dikush që Zoti e çliron nga Xhehenemi të kthehet në robërinë e barrëve? A Zoti yt të fton, në shpëtim, ndërsa ti këmbëngulën në shkatërrim?! Mëshira dhe se është afër atyre që bëjnë vepra të mira, keqbërësi nuk e dëshpëron atë. Falja, dhe pse është për ata që kthehen, ajo, deri dhe vetë zullumqarit nuk i ndalohet. “Thuaju robërve të Mi, që i kani bërë keq vetes me gjynahe, të mos e humbin shpresën në mëshirën e Allahut! Allahu, me siguri, i fal të gjitha gjynahet. Vërtet, Ai është Falësi i madh dhe Mëshirëploti. Kthehuni tek Zoti juaj dhe nënshtrojuni Atij, para se t’ju vijë dënimi, sepse atëherë nuk do të mund t’ju ndihmojë kush. Ndiqni më të mirën e asaj që ju është shpallur nga Zoti juaj, para se t’ju vijë dënimi papritmas, pa e ndier atë, që të mos thotë njeriu: “Mjerë për mua që nuk i kam kryer detyrimet ndaj Allahut, madje, edhe jam tallur!” Ose të thotë: “Sikur Allahu të më kishte udhëzuar, do të isha bërë njeri i devotshëm”. Ose të thotë, kur ta shohë dënimin: “Ah, sikur të ishte e mundur për t’u kthyer edhe një herë e të bëhesha njeri i mirë!” (Allahu do t’u thotë): “Me të vërtetë, juve ju erdhi Shpallja Ime (Kurani), por e mohuat atë me arrogancë dhe u bëtë jobesimtarë”. Në Ditën e Kiametit do t’i shihni ata që kanë trilluar gënjeshtra për Allahun, me fytyra të nxira. Vallë, a nuk është Xhehenemi vend për arrogantët?! Por Allahu do t’i shpëtojë ata që janë ruajtur me të mirat e bëra, prandaj ata nuk do t’i prekë e keqja e as nuk do të pikëllohen.” (Ez-Zumer 53-61)
Përmirëso mendimin tënd ndaj Zotit tënd dhe pendohu tek Ai, sepse vërtetë nuk humbet tek Zoti vetëm se i humburi.
Kërkimi i faljes tek Zoti është përfundimi dhe mbyllja e veprave të mira, rregullon të çarat e saj, veprës së mirë, dhe plotëson të metat e saj. Sa shpesh i rregullojmë shkeljet duke i qepur me vepra të mira, pastaj i presim ato me tegelat e veprave të këqija! Kush i frikësohet qëndrimit para Zotit të tij, kërkon tek Ai falje nga bindja e tij, siç kërkon falej tek Zoti për gjynahet e tij. O Zot, mëshiroi ata që veprat e tyre të mira i kanë vepra të këqija, dhe bindja e tyre është neglizhenca e tyre.
Kush kërkon falje tek Zoti me gjuhën e tij ndërsa zemra e tij është e lidhur me gjynahin, ku vendosmëria e tij është të kthehet në të dhe ta përsërisë, agjërimi i tij me shumë mundësi do t’i refuzohet dhe porta për ta pranuar atë është e mbyllur. Ndërsa shpërblimi për një vepër të mirë është një vepër e mirë pas saj, ndërsa shenjë e refuzimit të saj është një vepër e keqe pas saj. Mirënjohja, falënderimi, i vazhdueshëm është shenjë e faljes. Ai, të cilit Allahu ja ka falur gjynahet e të kaluarës dhe të ardhmes, ka thënë: “ A nuk duhet të jem rob falënderues, mirënjohës ndaj Zotit?!” Paqja dhe shpëtimi i Zotit qoftë mbi të dhe mbi familjen e tij.
Allahu i Madhërishëm i ka mbyllur ajetet e agjërimit duke thënë: “ Ai dëshiron që të plotësoni numrin e ditëve të agjërimit dhe që ta madhëroni Allahun (në fund të agjërimit), për shkak se ju ka drejtuar në rrugë të drejtë e që ta falënderoni Atë. Kur robërit e Mi (besimtarë) të pyesin për Mua, (thuaju se) Unë jam pranë, u përgjigjem lutjeve të lutësit, kur ai më lutet Mua. Prandaj, le t’i përgjigjen thirrjes Sime dhe le të Më besojnë Mua, për të qenë në rrugë të drejtë.” (El-Bekare 185-186)
Bëhu rob i Zotit adhurues në vazhdimësi dhe jo vetëm në Ramazan. “ Dhe adhuroje Zotin tënd derisa të të vijë vdekja!” (El-Hixhr 99)
Zoti na begatoftë me Kuranin Famëlartë, na bëftë dobi nga argumentat dhe urtësitë e tij, nga udhëzimi i zotërisë së të dërguarve dhe nga syneti i tij, paqja dhe shpëtimi i Zotit qoftë mbi të. Zotit tuaj kërkoni falje pastaj pendohuni tek Ai, me të vërtetë për ata që pendohen Ai është Falës i Madh.
Hutbeja e dytë
“ …“Çdo lavd e falënderim i përket Allahut, i Cili nuk ka bir, nuk ka ortak në pushtet dhe nuk është i pafuqishëm, që të ketë nevojë për ndihmës” dhe madhëroje Atë, duke ngritur lart madhështinë Tij!” (El-Isra’ 111)
Dëshmoj se nuk ka Zot tjetër veç Allahut, i Cili ka krijuar çdo gjë dhe e ka rregulluar si duhet! Dëshmoj se zotëria dhe i dërguari ynë, Muhamedi, është rob i Zotit dhe i dërguari i Tij, e ka dërguar Zoti me të vërtetën, përgëzues dhe paralajmërues, thirrës për në rrugë të Zotit me lejen e Tij dhe pishtar ndriçues. O Zot, fale dhe mëshiroje robin dhe të dërguarin Tënd, të dërguarin tonë Muhamedin.
Adhurues të Zotit! Dijeni se kush e pason agjërimin e Ramazanit me agjërimin e gjashtë ditëve nga muaji i Shevalit ka shpërblim sikur të ketë agjëruar të gjithë ditët e vitit, nga bujaria dhe mirësia e Allahut. Si do që i plotëson njeriu këto të gjashtë ditët bashkë apo i shpërndanë. Kush fillon të kompensojë atë që ka humbur nga Ramazani, ka marrë masa paraprake dhe e ka plotësuar atë. Kush nxitohet që ti plotësoj ditët pas ditës së parë të Bajramit ka humbur dhe është munduar. Ndërsa ai që kënaqën familjen dhe të afërmit e tij në ditët e Bajramit dhe pastaj fillon agjërimin, e ditëve të Shevalit, ka bërë më të mirën.
Adhurues të Zotit! Lutuni dhe përshëndeteni krijesën më të mirë të Zotit, Muhamedin të birin e Abdullahit, Allahu i Madhërishëm ju ka urdhëruar për lutje dhe përshëndetje për të dhe ka thënë: “ Vërtetë Allahu e bekon të Dërguarin dhe engjëjt e Tij luten për të. O besimtarë, lutuni për të dhe përshëndeteni me selam.” (El- Ahzab 56)
O Zot, fale, mëshiroje dhe bekoje robin dhe të dërguarin Tënd, të dërguarin tonë Muhamedin.
O Zot, të lutemi të jesh i kënaqur me udhëheqësit pasardhës të tij, halifet e drejtë dhe të udhëzuar, Ebu Bekrin, Omerin, Othmanin dhe Aliun, me të gjithë shokët e tij, me ata që i pasojnë në punë të mira deri në ditën e Fundit, dhe me ne së bashku me ata me Mëshirën, Mirësinë, Lavdinë, Krenarinë dhe Bujarinë Tënde, o Bujari më i madh.
O Zot, lartëso Islamin dhe muslimanët.
O Zot, poshtëro idhujtarinë dhe idhujtarët, shkatërro armiqtë e Tu, armiqtë e fesë.
O Zot, bëje të paqtë, të sigurt dhe të begatë këtë vend dhe të gjitha vendet muslimane.
O Zot, na jep siguri në vendet tona, përmirëso udhëheqësit dhe kujdestarët e çështjeve tona.
O Zot, bëj kujdestarët, udhëheqësit e muslimanëve të jenë nga ata që të frikësohen, janë të devotshëm ndaj Teje dhe kërkojnë kënaqësinë Tënde, o Zoti i botëve.
O Zot, jepi sukses udhëheqësit tonë në udhëzimin Tënd, bëj që veprat e tij të meritojnë kënaqësinë Tënde, jepi ati mbështetës të mirë dhe këshillues, të cilët e orientojnë në të mirën dhe e ndihmojnë në të, o Zoti i botëve.
O Zot, atë, zëvendësin e tij dhe ndihmësit e tij udhëzoi në të mirë, o Bujar.
O Zot, na i fal të gjitha gjynahet, të voglat dhe të mëdhatë, të parat dhe të fundit, të shfaqurat dhe të fshehtat e tyre.
O Zot, të lutemi të jesh me vëllezërit tanë të dobët dhe të shtypur në Palestinë. O Zot, të lutemi të jesh përkrahës, ndihmues dhe mbështetës i tyre, o Zoti i botëve, o i Fuqishëm, o i Gjithpushtetshëm. O Zot, largo atë që ju ka rënë atyre, o Zot, lehtësojua atyre, o Bujarë. O Zot, lehtësojua atyre dhe të gjithë muslimanëve, o Bujari më i Madh. O Zot, na i fal gjynahet tona dhe teprimin në punën tonë, na i forco këmbët (në istikam) dhe na ndihmo kundër popullit jobesimtar!
O Zot, na i fal gjynahet e para dhe të fundit, ato që kemi bërë fshehur dhe ato që kemi bërë hapur, dhe ato me të cilat Ti je më i ditur se ne për to. Ti je i Pari, pa fillim, i Fundit pa mbarim, Ti je i fuqishëm për të bërë çdo gjë. S’ka Zot tjetër përveç Teje, Madhërimi është për Ty. “…Ne e kemi futur veten në gjynah, prandaj, nëse Ti nuk na fal dhe nuk na mëshiron, ne vërtet që do të jemi nga të humburit.” ( El-A’raf 23)
“Zoti ynë, na jep të mira në këtë botë, na jep të mira në botën tjetër dhe na ruaj nga dënimi i Zjarrit (të Xhehenemit)”. (El-Bekare 201)
Adhurues të Zotit! “Në të vërtetë, Allahu urdhëron drejtësinë, mirësinë dhe ndihmën për të afërmit, si dhe ndalon imoralitetin, veprat e shëmtuara dhe dhunën. Ai ju këshillon, në mënyrë që ju t’ia vini veshin.” (En –Nahl 90)
Përmendeni Allahun e Madhërueshëm, Ai ju kujton ju,
Falënderojeni Atë për të mirat e Tij që t’ua shumojë ato.
Përkujtimi i Allahut është gjëja më e madhe.
Allahu është i Ditur për çfarë veproni.
Afrim Smakaj
